2020-ci il mayın 5-də məhkəmənin qərarı əsasında Dövlət Təhlükəsizliyi Xidməti (DTX) İmişli Rayon İcra Hakimiyyətinin başçısı Vilyam Hacıyevin xidməti və yaşadığı ünvanlarda əməliyyat-istintaq tədbirləri həyata keçirilib.
Yeniavaz.com xəbər verir ki, bu barədə DTX-nin yaydığı məlumatda bildirilib.
DTX tərəfindən aparılan araşdırma nəticəsində sosial məişət şəraitinin aşağı olması ilə bağlı mənzil növbəsində olan şəxslərə İmişli şəhərində dövlət büdcəsi hesabına inşa edilən çomənzilli yaşayış binasında növbəli qaydada verilməli olan mənzillərin Vilyam Hacıyev tərəfindən rüşvət müqabilində qanunazidd şəkildə əhaliyə satdığı məlum olub.
RİH-in baş mühasibi Cəmil Musayev DTX-nın əməliyyat çəkilişlərində bir otaqlı evin 10 min manata, ikiotaqlı evin 20 min manata, 3 otaqlı evlərin isə 30 min manata satıldığını bildirib: "Daha sonra ev istəyən şəxslərlə razılıq əsasında mənə müxtəlif məbləğlər ödənilirdi. Həmin pulları Vilyam Hacıyevin iş otağında özünə təqdim edirdim". Qeyd edək ki, məişət şəraiti aşağı olan vətəndaşlara növbə ilə verilən həmin binadan qanunsuz şəkildə ev alan şəxslərdən biri "Azərişıq ARAN RETSi-nin rəisi Canəhməd Əhmədovdur.
Ruslan Yusibov
Tətbiqimizi yükləyə bilərsiniz
