Koronavirusa görə Azərbaycana gətirilən həkimlərin FOTOSU

Birinci vitse-prezident Mehriban Əliyevanın göstərişi ilə dünən xaricdə təhsil alan 20 azərbaycanlı mütəxəssis çarter reyslə ölkəmizə gətirilib. 

Yeniavaz.com xəbər verir ki, həmin həkimlər TƏBİB, Heydər Əliyev Fondu, İcbari Tibbi Sığorta üzrə Dövlət Agentliyi, Səhiyyə Nazirliyi və Ümümdünya Səhiyyə Təşkilatının birgə yaratdığı REACT-C19 adlı layihədə çalışacaqlar.

Layihənin məqsədi hazırda COVID-19-a yoluxmuş xəstələrin müalicəsi üçün bölgələrdəki seçilmiş xəstəxanalarda onunla bağlı əsas bacarıqları sürətlə inkişaf etdirməkdir. 

Qeyd edilir ki, bu mütəxəssislər Türkiyənin seçilmiş universitetlərində təlimlər keçib, sözügedən sahələr üzrə praktiki təcrübələr əldə edib və müvafiq təlimat alıblar.