"Dövlətdən digər ödənişlər alırlarsa, 190 manat üçün müraciət etməsinlər"

Dövlət Məşğulluq Xidmətinin rəis müavini Cəmaləddin Quliyev birdəfəlik ödəməyə müraciət edən zaman sistemdə baş verən donmalara münasibət bildirib.

C. Quliyev REAL TV- yə bildirib ki, birdəfəlik ödəmə heç bir gəliri olmayan ailələrə verilir: "Vətəndaşlardan xahiş olunur ki, əgər dövlətdən digər ödənişlər alırlarsa 190 manat üçün müraciət etməsinlər. Sistemdə yükləmələr olur. Sistemə müraciətlərin sayı da həddən artıq çox olur. Bizim sistem digər dövlət qurumlarının sistemi ilə inteqrasiya olunduğuna görə burada yükləmələr baş verir. Bu da müraciət edən vətəndaşların narazılığına səbəb olur.

Qeyd edirlər ki, sistem yüklənib və onlar məlumatlarını daxil edə bilmirlər".