Böyük Britaniyanın Kembric Universitetinin alimləri, dünyada bir milyon yarımdan çox insana yoluxan yeni növ koronavirusun tarixini araşdıraraq üç fərqli tipini müəyyənləşdiriblər.
Yeniavaz.com xarici KİV-ə istinadən xəbər verir ki, tədqiqat nəticəsində yeni növ koronavirusun müxtəlif immunitet sistemləri ilə daim mübarizə aparmaq üçün davamlı mutasiyaya uğradığı məlum olub. Eyni zamanda üç növə, A, B, C növlərinə bölündüyü açıqlanıb. Mütəxəssislərin fikrincə A növ virus yarasalardan insanlara keçir. Lakin, Çində yayılan virus A növü olmayıb. Yanvar ayında, yoluxma epidemiya həddinə çatan zaman koronavirusla mübarizəyə başlayan Çində virusun dəyişilmiş B versiyası yayılıb.
Koronavirusun heyvanlardan insanlara ötürülən növü, yəni A tipi hazırda ABŞ və Avstraliyada olduğu məlum olub.
Araşdırmalara görə, ABŞ-da baş verən ümumi koronavirus yoluxmalarının üçdə ikisi virusun heyvandan insana ötürüldüyü A tipinə mənsubdur. Alimlər virusun ABŞ-a orijinal formada sürətlə yayıldığını deyirlər.
B tipi isə Almaniya, Fransa, Belçika, Niderland və İsveçrədə yayılıb.
B növündən törəyən C tipinin yayılması isə Sinqapurda müşahidə olunub.
C tip virusun Sinqapurdan bir çox Avropa ölkəsinə yayıldığı bildirilsə də, Avropada ən çox müşahidə edilən virus B tipidir.
Tətbiqimizi yükləyə bilərsiniz
