Son 5 ildə - 2015-2019-cu illərdə dünya üzrə silah ixracı əvvəlki 5 illə - 2010-2014-cü illərlə müqayisədə 5,5% artıb.
Yeniavaz.com Stokholm Beynəlxalq Sülh Araşdırmaları İnstitutunun açıqladığı məlumatlara istinadən bildirir ki, dünya üzrə qeydə alınan ümumi silah ixracının 76,2%-i 5 dövlətin – ABŞ (36%), Rusiya (21%), Fransa (7,9%), Almaniya (5,8%) və Çinin (5,5%) payına düşüb.
Bu dövürdə ABŞ dünya silah ixracındakı payı 23% artıb. Məlumatda qeyd edilir ki, ABŞ-ın silah ixracının yarıdan çoxu - 51%-i Yaxın Şərq ölkələrinə edilib. Ümumilikdə isə ABŞ-ın 98 ölkəyə silah satdığı qeyd olunub. Dünya üzrə ümumi silah ixracının 36%-i ABŞ-ın payına düşüb. Əvvəlki 5 ildə - 2010-2014-cü illərdə bu göstərici 31% olub.
Rusiyanın silah ixracı isə hesabat dövründə 18% azlıb. Azalmanın əsas səbəbi Rusiya silahının əsas alıcısı olan Hindistanın daha az silah almasıdır.
Əvvəlki 5 illə müqayisədə 2015-19-cu illər ərzində Fransanın silah ixracı 72%, Almaniyanın isə 17% artıb. Ümumilikdə isə Avropa İttifaqına üzv ölkələrin ümumi silah ixracındakı payı 26% təşkil edilib.
Əvvəlki 5 illə müqayisədə son 5 ildə dünyada silah satışını ən çox artıran ölkələrin arasında Portuqaliya, Çexiya, Hindistan və İtaliya yer alıb. Portuqaliya silah satışını 12 dəfə, Çexiya 4,5 dəfə, Hindistan 4,3 dəfə, Cənubi Koreya isə 1,4 dəfə artırıb.
Bu dövrüdə Türkiyə silah ixracını 86% artıra bilib və dünya üzrə ümumi silah ixracının 0,8%-i qardaş ölkənin payına düşüb. Türkiyə ən çox silah ixrac edən ölkələrin sıralamasında 14-cü sırada yer alıb.
Dünya üzrə qeydə alınan silah ixracında ən çox (90,2%) paya sahib olan 10 ölkə bunlardı:
| Ölkələr | İxracda payı 2015-2019-cu illər |
İxracda payı 2010-2014-cu illər |
Fərq |
| ABŞ | 36 % | 31% | + 23 % |
| Rusiya | 21 % | 27 % | - 18 % |
| Fransa | 7,9 % | 4,8 % | + 72 % |
| Almaniya | 5,8 % | 5,3 % | + 17 % |
| Çin | 5,5 % | 5,5 % | + 6,3 % |
| Böyük Britaniya | 3,7 % | 4,6 % | 15 % |
| İspaniya | 3,1 % | 2,9 % | + 13 % |
| İsrail | 3 % | 1,8 % | + 77 % |
| İtaliya | 2,1 % | 2,7 % | + 17 % |
| Cənubi Koreya | 2,1 % | 0,9 % | + 1,4 dəfə |
Dünya üzrə qeydə alınan silah idxalında ən çox paya sahib olan 10 ölkə isə bunlardı:
| Ölkələr | İdxalda payı 2015-2019-cu illər |
İdxalda payı 2010-2014-cu illər |
Fərq |
| Səudiyyə Ərəbistanı | 12 % | 5,6 % | + 1,3 dəfə |
| Hindistan | 9,2 % | 14 % | - 32 % |
| Misir | 5,8 % | 1,9 % | + 2,2 dəfə |
| Avstraliya | 4,9 % | 3,7 % | + 40 % |
| Çin | 4,5 % | 4,4 % | + 3,3 % |
| Əlcəzair | 4,2 % | 2,6 % | + 71 % |
| Cənubi Koreya | 3,4 % | 3,5 % | + 3,3 % |
| BƏƏ | 3,4 % | 4,4 % | - 18 % |
| İraq | 3,4 % | 1,8 % | + 98 % |
| Qətər | 3,4 % | 0,5 % | + 6,3 dəfə |
A. Cəfərov
Tətbiqimizi yükləyə bilərsiniz
