Mingəçevirdə azyaşlı bacı və qardaşın üzərlərinə qaynar suyun dağılması nəticəsində yanıq xəsarəti almaları haqqında xəbər vermişdik.
Mingəçevir Şəhər Mərkəzi Xəstəxanasının cərrahiyə şöbəsinin baş həkimi Məhəmməd Quliyev Yeniavaz.com-a açıqlamasında bildirib ki, 7 yaşlı Zəhra Qarayevanın bədəninin 10-19, 8 yaşlı Hüseyn Qarayevin isə bədəninin 10 faizi yanıb. Onlar uşaq-reanimasiya şöbəsinə yerləşdiriliblər və müalicələri davam edir.
Baş həkimin sözlərinə görə onların vəziyyəti orta-ağır qiymətləndirilir.
*** 09:53
Mingəçevirdə azyaşlı bacı və qardaş yanıq xəsarəti alıblar.
Yeniavaz.com xəbər verir ki, hadisə Mingəçevir şəhəri Günəşli yaşayış massivində qeydə alınıb. Ehtiyatsızlıq edən 8 yaşlı Hüseyn və 7 yaşlı Zəhra Qarayevlər qaynar su dolu qabı üzərlərinə aşırıblar. Müxtəlif dərəcəli bədən xəsarətləri alan bacı və qardaş xəstəxanaya çatdırılıb. Uşaqlara tibbi yardım göstərilib vəziyyətləri kafi qiymətləndirilir.
Esmira Hidayətova, Mingəçevir