19 yanvar 2020-ci ildə ABŞ-ın Texas əyalətinin Hyuston şəhərində 20 yanvar 1990-cı ildə xalqımıza qarşı Sovet imperiyası tərəfindən törədilmiş qırğınla bağlı tədbir keçirilib.
Yeniavaz.com xəbər verir ki, tədbiri giriş sözü ilə, bu şəhərdə fəaliyyət göstərən həmyerlilərimizin yaratdığı Azərbaycan Amerika Mədəniyyət Alyansının rəhbəri İslam Rizvanoğlu açıb. O çıxışında, bu faciənin xalqımızın azadlıq mücadiləsində önəmli yer tutduğunu bildirib.
Daha sonra tarixçi Coşqun Bəkirov 20 Yanvar faciəsinin törədilməsində Sovet rəhbrəliyinin məqsədi və bu hadisənin xalqımızın sonrakı azadlıq mübarizəsində rolu haqqında geniş məlumat verib.
Sonda 20 Yanvar şəhidlərinin ruhuna dualar oxunub.
Tədbirdə yüzə yaxın həmyerlimiz iştirak edib.
Tətbiqimizi yükləyə bilərsiniz
