Kamran Əsədovun namizədliyi qeydə alındı: “İcra hakimiyyətinə təşəkkür etdi”

"Artıq bu gündən etibarən rəsmi olaraq 61 saylı Neftçala Seçki Dairəsindən 9 fevralda keçiriləcək seçkilərdə Neftçala rayonundan namizədəm"
Yeniavaz.com xəbər verir ki, bu sözləri tanınmış təhsil eksperti Kamran Əsədov özünün feyzbuk sosial şəbəkəsindəki profilində yazıb.
O həmin dairədən ilk qeydə alınmış namizəd olduğunu bildirib: "İnşallah birinci də olacam. Bütün prosesləri bitirdim. Bircə qaldı Neftçalalıların seçkiyə gedib səs verməsi.
Neftçala Rayon İcra hakimiyyətinin rəhbərliyinə, Dairə Seçki Komissiyasının sədri Şaiq bəyə diqqətinə görə təşəkkür edirəm".