Bakının Xətai rayonunda bir kişi başından güllə ilə vurularaq öldürülüb.

Yeniavaz.com xəbər verir ki, Oxu.Az-a Xətai Rayon Prokurorluğundan daxil olan məlumata görə, dekabrın 27-də səhər saat 08:00 radələrində Səməd bəy Mehmandarov küçəsi, 74 saylı binanın qarşısında öldürülən şəxs 45 yaşlı Cəfərov Xəyal Aydın oğlu olub.

Şahidlər bu barədə polisə xəbər verib, eyni zamanda, qətl hadisəsi müşahidə kameralarına düşüb.

Faktla bağlı X.Cəfərovun bacanaqları Mahmudov Kamran Tərlan oğlu və Eminov Nazim Rəşid oğlu tutulub.

Hadisənin təfərrüatı araşdırılır.