
Ermənistan ordusu Qarabağda istehsal olunan silahları tədarük etməyi planlaşdırır.
Bunu jurnalistlərə açıqlamasında Ermənistan Silahlı Qüvvələri Baş Qərargahının rəisi Artak Davtyan deyib.
Erməni hərbçinin qeyd etdiyi kimi, yeni ildə ölkənin Müdafiə Nazirliyi “yerli” (buradakı və sonrakı dırnaqlar bizimdir-red.) silahların alışını artıracaq: "Bərabər şərtlərdə biz üstünlüyü birmənalı olaraq "yerli" istehsalçıya verəcəyik... Dağlıq Qarabağda bəzi hərbi sənaye növləri inkişaf edir və biz onlardan müəyyən vasitələri silahlı qüvvələrimiz üçün də alırıq".
Onun sözlərinə görə, söhbət rabitə, optik qurğularından, termal görüntüləridən və müxtəlif çaplı silahlardan gedir. Qısa müddətdə bəzi silah növlərinin, məsələn, minomyotların kütləvi istehsalına keçiləcək.
Davtyan əlavə edib ki, hərbi geyim və çəkmə istehsalı da uğurla inkişaf edir./virtualaz.org
Tətbiqimizi yükləyə bilərsiniz