Rafael Ağayev ilk görüşdəcə məğlub oldu

İspaniyanın paytaxtı Madriddə karate üzrə Premyer Liqa yarışı start götürüb.
Yeniavaz.com qol.az-a istinadən xəbər verir ki, Azərbaycanı bu turnirdə 17 idmançı təmsil edir.
Yarışın ilk günündə tatami üzərinə çıxan 6 karateçimizdən yalnız qadın millimizin üzvü Nuranə Əliyeva (-50 kq) bürünc medal uğrunda görüşə çıxmaq hüququ əldə edib.
Komandamızın lideri Rafael Ağayev (-75 kq) ilk görüşündəcə serbiyalı Lyubişa Mariçə (0:2), eləcə də digər idmançılarımız - Firdovsi Fərzəliyev (-60 kq), Rafiz Həsənov, Tural Ağalarzadə (hər ikisi -67 kq) və İlahə Qasımova (-55 kq) məğlub olaraq mübarizəni erkən dayandırıblar.