Gecə saatlarından başlıyan güclü yağış Goranboyda fəsadlar törədib - VİDEO

Gecə saatlarından başlıyan güclü yağış Goranboyda fəsadlar törədib.
Rayon ərazisindən axan Gorançayda sel sularının artması nəticəsində körpünün suyu ötürə bilməməsi ətrafdakı əkin sahələrinə, ticarət obyektlərinə sel sularının dolmasına səbəb olub. Təbiət hadisəsi nəticəsində rayon ərazisində fermer təsürrüfatı ilə məşğul olan Kəlbəcər sakini İsmət Nəbiyevə məxsus fermaya sel suları dolub. Nəticədə orada olan 25 yeşik arı, ev quşları və 10 tona yaxın arpa lil qatının altında qalıb. Təsərüffat sahibin mal-qarası yaylaqda olduğundan onlar ziyan görməyib.
Yağışın yaratdığı sel suları rayon ərazisində fəaliyyət göstərən avtomobil təmiri sexinədə ciddi ziyan vurub. Usta Çingiz Xəlilov bildirir ki, avtomobillərin təmiri üçün istifadə edilən qiymətli apartlar palçıq, lil qatının altında qalaraq yararsız vəziyyətə düşüb.
Təbiət hadisəsi zamanı Bakı-Qazax avtomgaistralının Goran qəsəbəsindən keçən hisəsində yerləşən körpünün ətrafına da sel suları dolub. Nəticədə Tərtər,Naftalan, Bərdə və Goranboyun həmin istiqamətdə olan kəndlərinə avtomobillərin gediş-gəlişində çətinlik yaranıb. Bir neçə sürücünün avtomobili sıradan çıxıb. Küləklə müşahidə olunan yağış nəticəsində Goranboyun bir neçə yaşayış məntəqisinə elektrik enerji verlişində də fasilələr yaranıb. Baş verən təbiət hadisəsi ilə bağlı adiyyatı qurumlara məlumat veriilib.
Esmira Hidayətova, Goranboy.