“Relax”istirahət mərkəzində yaşanan hadisə ilə gündəmə gələn deputat İqbal Məmmədov iqtisadçı Qulu İbrahimli ilə görüşüb.

Yeniavaz.com xəbər verir ki, bu haqda iqtisadçı öz feysbuk səhifəsində məlumat verib və foto paylaşıb. Q. İbrahimli bildirib ki, görüş deputatın təşəbbüsü ilə baş tutub. Görüşün detallarını açıqlamayan iqtisadçı bu haqda sonra açıqlama verəcəyini qeyd edib.

Qeyd edək ki, “Relax”da vergi əməkdaşlarının döyülməsi ilə bağlı xəbəri ilk olaraq Q. İbrahimli ictimailəşdirib. Vaxtilə deputatın onu söydüyünü deyən iqtisadçı davamlı olaraq onun haqqında sərt açıqlamalarla çıxış edib.