"O videoda nə var?! Yaxşı edib oxumuşam, mənim işim oxumaqdır. Ev yıxmıram, cadu etmirəm". Bu sözlər baxıcı Molla Məmmədsəfa ilə görüntüləri yayılan Mətanət Əsədovaya məxsusdur.
Yeniavaz.com xəbər verir ki, müğənni BAKU.WS-ə açıqlamasında, sözügedən videonun yayılmasından qətiyyən narahat olmadığını bildirdi:
"Hə, nə olsun ki, görüntülər yayılıb? O kişinin yanına müalicə üçün getmişəm. Allah köməyi olsun, müalicəsinin xeyirini görmüşəm, qabağında oxudum. Kim nə istəyir yazsın, kim nə istəyir desin. Vəssalam!"
***12:30
Müğənni Mətanət Əsədova cənub bölgəsində baxıcı kimi məşhur olan Molla Məmmədsəfanın qəbuluna gedib.
Yeniavaz.com Baku.ws-ə istinadən xəbər verir ki, görüntülərdə Məmmədsəfa döşəyin üstündə yayxanmış vəziyyətdə, Əsədovanın isə onun ayaqları altında bardaş qurduğu görünür.
Qeyd edək ki, Azərbaycan şou biznesinin məşhur müğənniləri Məmmədsəfanın daimi müştəriləridir.