Soyğunçuluq edən həbs olundu, digər cinayətləri də üzə çıxdı

Soyğunçuluq etdiyinə görə tutulan şəxsin digər cinayət əməllərinin də üstü açılıb.
Daxili İşlər Nazirliyinin Mətbuat xidmətindən verilən məlumata görə, soyğunçuluq etdiyinə görə tutulan Z.Nuriyevin ətrafında Nizami (Gəncə) RPİ-nin əməkdaşları tərəfindən aparılan əməliyyat tədbirləri ilə onun iyul ayı ərzində Gəncə şəhəri ərazisindəki 3 evdən mobil telefon və elektrik cihazı oğurlaması, 2 nəfərə qarşı dələduzluq etməsi də müəyyən edilib.