![](https://cdn.yeniavaz.com/uploadedfiles/custom/2019/8/8/1/c3e6d219-b94a-417b-8453-923256f2db73/buga-s-400-turkiye.jpg)
Türkiyənin Çorum bölgəsində heyvandarlıqla məşğul olan Seyfi Keyvan ölkə ictimaiyyətinin marağını üzərinə çəkib.
Yeniavaz.com Türkiyə mətbuatına istinadən xəbər verir ki, S. Keyvan xüsusi olaraq qulluq edib saxladığı buğaya "S-400" adını verib.
S. Keyvan qurban bayramı üçün satışa çıxardığı buğaya "S-400" adının qoymasını səbəbini izah edərkən deyib: "Bu buğa ("S-400") öz təsərrüfatımızdandır. 3 yaşı var və 3 ildir öz uşağım kimi ona xüsusi qulluq edirəm. Hazırda 1.5 ton çəkisi var. Prezidentimiz Rəcəb Tayyip Ərdoğan Amerikanın təhdidlərinə baxmayaraq S-400-ləri Türkiyəyə gətirdi. Bizim də buğamız bu ərazidə ən gülcü buğa olduğu üçün heç bir təhdiddən qorxmur. Ona görə də adını S-400 qoyduq" .
Qeyd edək ki, S. Keyvan 1.5 ton olan "S-400"ü 17 min 250 tl-yə (5350 AZN) satıb.