İran çərşənbə günü Fars körfəzində, Farsi adası yaxınlığında ərəb ölkələrinə qaçaqmalçılıq yolu ilə yanacaq daşıyan xarici ölkəyə məxsus gəmini saxlayıb.
Bu barədə bazar günü İslam İnqilabı Keşikçiləri Korpusuna istinadən "Al-Mayadeen" telekanalı öz "Telegram" kanalında məlumat yayıb.
Bildirilir ki, gəmidə 700 min litr qaçaqmal yanacağı olub. Hazırda 7 əcnəbi dənizçi saxlanılıb. (Report)