Türkiyənin eks baş naziri və AKP-nin(Ədalət və İnkişaf Partiyası) İzmirdən seçilmiş millətvəkili Binəli Yıldırımın ölkə prezidentinin adını telefonuna necə qeyd etdiyi məlum olub.
Yeniavaz.com Türkiyə mətbuatına istinadla xəbər verir ki, Malatya vilayətində gənclərlə görüşü zamanı Binəli Yıldırım ölkə prezidenti Rəcəb Tayyib Ərdoğana zəng edərək gəncləri onunla danışdırıb. Bu zaman onun ölkə prezidentinin adını telefonuna necə qeyd etdiyi məlum olub. Çəkilən fotolardan görünür ki, o prezidentin adını telefonuna qeyd edərkən tam adının baş hərflərindən istifadə edib və "RTE" deyə yaddaşa həkk edib. Bu hal isə oradakı jurnalistlərin və gənclərin diqqətindən yayınmayıb.
Tətbiqimizi yükləyə bilərsiniz
