Bakının Zirə qəsəbəsində (Qala yolu) qatarın taksini vurması nəticəsində xəsarət alan iki nəfərə təcili tibbi yardım tərəfindən qoyulan ilkin diaqnoz təsdiqini tapmayıb.
Səhiyyə Nazirliyindən verilən məlumata görə, qəza zamanı xəsarət alan 22 yaşlı qız və 20 yaşlı oğlanda qapalı kəllə-beyin travması aşkarlanmayıb.
Qeyd olunub ki, onların vəziyyətləri normaldır: “Ambulator müalicəyə buraxılıblar”.
***14:09Səhiyyə Nazirliyi Zirə qəsəbəsində (Qala yolu) qatarın taksini vurması nəticəsində xəsarət alanların son durumunu açıqlayıb.
Yeniavaz.com xəbər verir ki, nazirlikdən “Report”a verilən məlumata görə, hadisə zamanı 4 nəfər xəsarət alıb.
Onlardan 22 yaşlı qız qapalı kəllə beyin travması və yuxarı ətrafların sınığı diaqnozu, digər yaralı 20 yaşlı oğlan qapalı kəllə beyin travması diaqnozu ilə 3 saylı Şəhər Klinik Xəstəxanasına çatdırılıblar, vəziyyətləri ağırdır.
38 yaşlı kişiyə sol qolun sıyrılmış yarası və sonuncu 33 yaşlı kişiyə sol çiyinin və sol baldırın travması ilə yerində yardım edilib. Onlar xəstəxanaya aparılmalarından imtina ediblər.
***13:32
Bakı şəhəri, Zirə qəsəbəsində (Qala yolu) qatar taksini vurub.
Yeniavaz.com "Report"a istinadən xəbər verir ki, ilkin məlumata görə hadisə nəticəsində biri qadın olmaqla ümumilikdə 5 nəfər xəsarət alıb.
Səhiyyə Nazirliyinin mətbuat xidmətinin rəhbəri Pərviz Abubəkirov bildirib ki, hadisə ilə bağlı 12.44 radələrində çağırış daxil olub: "Hazırda əraziyə göndərilən 5 həkim briqadası hadisə yerində işləyir. Yaralıların vəziyyətləri ağırdır".
Tətbiqimizi yükləyə bilərsiniz
