Xəbər verdiyimiz kimi, dünən Şəki rayonu Üzümçülük kəndinə aid sosial şəbəkələrdə şəkil yayımlanıb.
Bu şəkildə yenicə asfaltlanmış yolun ortasında basdırılmış elektrik dirəkləri əks olunub.
Yeniavaz.com xəbər verir ki, “Azəravtoyol” ASC-nin mətbuat katibi Anar Nəcəfli bu foto ilə bağlı açıqlama verib. O bildirib ki, Azərbaycanda belə bir yol ümumiliyyətlə mövcud deyil.
“Belə bir şey yoxdur. Ümumiliyyətlə, şəkil Rusiyada çəkilib, ora aiddir. Bu şəkil sosial şəbəkələrdə mövcud olan, Şəkiyə aid bir səhifəyə aiddir.
Adı da “Region Şəki”dir. Onlar götürüb yayıblar. Əgər siz gedib o səhifəyə baş çəksəz, nəyə xidmət etdiyini görərsiniz. Bu paylaşm qərəzli, böhran xarakterli bir paylaşımdır.
Onlara rəsmi şəkildə dünən cavab verdik. Amma çox təəəsüflər olsun ki, bir çox saytlar bunu araşdırmadan paylaşıblar. Nə həmin kənddə, nə Şəki rayonu üzrə, nə də ümumiliyyətlə Azərbayacan üzrə belə bir yol yoxdur.
Həmçinin bu kəndin sakinlərindən və yaxud bələdiyyəsindən bu barədə maraqlanmaq olar. Yəni o şəkil doğru deyil, yalandır”.
Tətbiqimizi yükləyə bilərsiniz
