Tramp: "FED özü də bilmir ki, nə işlə məşğuldur"

ABŞ prezidenti Donald Tramp Nyu Cersidə iştirak etdiyi tədbirdə Mərkəzi Bankın (FED) uçot dərəcəsini yüksəltməsinə münasibət bildirib.
Yeniavaz.com xarici KİV-lərə istinadən bildirir ki, D.Tramp ABŞ Mərkəzi Bankının işini düzgün apararaq faiz dərəcələrini aşağı salmalı olduğunu bildirib. FED-in faiz dərəcələrini tez-tez qaldırdığını bildirən D.Tramp əlavə olaraq qeyd edib ki,  əgər FED fazi dərəcələrini aşağı salsaydı, indikindən daha çox inkişaf etmiş olardıq: "Ancaq hazırda FED özü də bilmir ki, nə işlə məşğuldur".