Rusiyanın Ermənistandakı səfiri Sergey Kopırkin Ermənistanın sabiq prezidenti Robert Koçaryanla görüşdükdən sonra bu ölkənin Xarici İşlər Nazirliyinə çağırılıb.

Bu barədə parlamentin Xarici əlaqələr komissiyasının sədri Ruben Rubinyan məlumat verib.

Daha öncə Rusiyanın diplomatik missiyasından bildirilib ki, Kopırkin ictimai siyasi və işgüzar dairələrlə keçirilən müntəzəm görüşlər çərçivəsində Koçaryanla da görüşüb.

“Bu gün mən komissiyanın bu görüşün müzakirəsinə həsr olunmuş iclasından sonra xarici işlər naziri Zohrab Mnasakanyanla danışdım. O bildiridi ki, səfir bu münasibətlə cümə günü XİN-ə çağırılıb. Səfirlə söhbət aparılıb və ona Ermənistanın daxili işlərinə qarışmamaq tövsiyə olunub”,- deyə Rubinyan öz Facebook səhifəsində yazıb.//oxu.az