Türkiyə Silahlı Q üvvələri İraqın şimalındakı Hakurk bölgəsinə qurudan və havadan hərbi əməliyyata başlayıb.
Yeniavaz.com "Sözcü" qəzetinə istinadla xəbər verir ki, bu barədə Türkiyənin Milli Müdafiə Nazirliyi məlumat yayıb.
Məlumata əsasən, quru qoşunlarının topçu batareyaları və hava qüvvələri Hakurk bölgəsini atəşə tutduqdan sonra komando tuqayları əməliyyata başlayıb. Bir tuqay orta hesabla 5 min civarında əsgərdən formalaşır.
"Pəncə Əməliyyat Planı" çərçivəsində 2019-cu il mayın 27-də yerli vaxtla saat 20:00-da komando tuqayları İraqın şimalında terrorçuların yerləşdiyi ərazidə əməliyyata başlayıb. Əməliyyat ATAK helikopterlərinin də dəstəyilə planlı şəkildə davam edir.
Məqsəd Hakurk bölgəsindəki PKK terror təşkilatının istifadə etdiyi mağara və sığınacaqları məhv etmək, terrorçuları zərərsizləşdirməkdir.
Tətbiqimizi yükləyə bilərsiniz
