Ərdoğanın sözçüsü: Krımın Rusiyaya ilhaqını tanımayan Türkiyə...

Krımın ilhaqını tanımayan Türkiyə həmişə Krım tatarlarının yanında olacaq.

Yeniavaz.com İHA agentliyinə istinadla xəbər verir ki, bunu Türkiyə Prezidenti Rəcəb Tayyib Ərdoğanın sözçüsü İbrahim Kalın özünün "Twitter" səhifəsində yazıb.

İ. Kalın Krım tatarlarının sürgünə göndərilməsinin 75-ci ildönümünü sosial şəbəkədə paylaşımla anıb: "1944-cü il mayın 18-də sürgünə göndərilən 400 mindən çox Krım tatarının və həyatını itirən on minlərlə qardaşımızın acısını unutmadıq, unutmayacağıq. Krımın ilhaqını tanımayan Türkiyə həmişə Krım tatarlarının yanında olacaq".