Kartof bütün dünyada yayılmış ən məşhur tərəvəzlərdən biridir. Amma doğru şəraitdə saxlanılmayan kartoflar cücərməyə başlayır və bu da zəhərlənmə hallarına gətirib çıxardır.
Süfrələrin vazgeçilməz tərəvəzi sayılan kartofun əsas tərkib hissəsini nişasta və liflər təşkil edir. Tərkibində olan C və B vitaminləri, kalium mineralları isə insana enerji, güc verir. Yeniavaz.com-un məlumatına görə, amma kartofun xeyirli tərəfləri ilə yanaşı zərərli tərəfləri də az deyil.
Günəş altında və ya nəmişlik olan yerdə saxlanılan kartofda kimyəvi maddə olan solanın miqdarı getdikcə artır. Solanın artması xlorofil sintezinə səbəb olur. Bu zaman kartofun rəngi sarıdan yaşıl rəngə doğru dəyişir və üzərində yaşıl ləkələr yaranaraq cücərməyə başlayır. Mütəxəssislər kartof belə olan halda onu yeməməyi məsləhət görürlər. Sola daha çox kartofun qabıqları altında müşahidə olunur.
Cücərmiş kartofdan zəhərlənmə hallarının ilkin əlamətləri belədir: ürək bulanma, qusma, ishal, baş ağrısı, boğazda yanma halları, baş gicəllənmə və mədə spazmaları. Zəhərlənmə halları bəzi insanlar üçün adi görünsə də bu kimi hallar ölümlə nəticələnə bilir. Buna görə də kartofları günəşin altında uzun müddət saxlamamaq, onları alarkən bir-bir yoxlamaq, üzərində yaşıllaşma gördükdə istifadə etməmək məsləhət görülür.
İlahə Hüseynova
Tətbiqimizi yükləyə bilərsiniz
