Çin iyunun 1-dən etibarən ABŞ-dan 60 milyard dollar həcmində müxtəlif mallara idxal rüsumları tətbiq edəcək. Yeniavaz.com xarici KİV-ə istinadla xəbər verir ki, rüsumların həcmi 5-25 faiz arasında dəyişəcək.
Çinin Maliyyə Nazirliyi bəyan edib ki, ABŞ tərəfindən rüsumların tətbiqi Çin-Amerika iqtisadi və ticarət münasibətlərinin eskalasiyasına gətirib çıxarıb: "Bununla da hər iki tərəfin maraqları təhdid altına qoyulub və beynəlxalq ictimaiyyətin ümumi gözləntilərinə cavab verməyib".
Xatırladaq ki, ABŞ mayın 10-dan bəzi Çin malların idxalı üzrə tarifləri 10 faizdən 25 faizədək artırıb. Bundan başqa, D. Tramp daha 300 milyard dollar dəyərində Çin mallarına rüsumlar tətbiq etməyi tapşırıb.