'Qarabağ' 7-ci dəfə Azərbaycan çempionu oldu

Topaz Premyer Liqasının 2018/19 mövsümünün mükafatçıları müəyyənləşdi. XXVII turun bu gün keçirilən “Qarabağ” – “Səbail” (4:0) və “Qəbələ” – “Neftçi” (1:3) oyunlarından sonra həm qızıl, həm gümüş, həm də bürünc mükafatçı dəqiqləşdi.

Ardıcıl 6-cı, ümumilikdə 7-ci çempionluq

Xal hesabını 63-ə çatdıran Ağdamın “Qarabağ” klubu bu qələbədən sonra izləyiciləri üçün əlçatmaz oldu. Bununla da Qurban Qurbanovun yetirmələri ardıcıl 6-cı, ümumilikdə 7-ci dəfə Azərbaycan çempionu adını qazandı.

17-ci mükafat

Hesabında 58 xal olan “Neftçi” qızıl medalı şansını itirməklə gümüş mükafatı rəsmiləşdirdi. Tarixində 3-cü dəfə çempionatı 2-ci pillədə bitirən paytaxt klubu 17-ci dəfə mükafatçılar sırasına düşdü. Hesabında 8 qızıl, 3 gümüş və 6 bürünc olan “ağ-qaralar” bu göstəricidə öz rekordunu yenilədi.

17-ci mükafatçı

“Səbail” məğlub olsa da, 41 xalla bürünc medalı təmin etdi. Tarixində ilk dəfə mükafatçılar sırasında yer alan paytaxt klubu Azərbaycan çempionatları tarixində medal qazanan 17-ci komanda oldu. Əvvəlki turnirlərdə 16 komanda “üçlüy”ə düşmüşdü.

19-cu Avropa yolçusu

Bu nəticələrdən sonra “Qarabağ”ın UEFA Çempionlar Liqası, “Neftçi” və “Səbail”in UEFA Avropa Liqasında oynayacağı dəqiqləşdi. Tarixində ilk dəfə avrokuboklarda çıxış edəcək “Səbail” Azərbaycanın qitəmiqyaslı turnirlərdə 19-cu təmsilçisi olacaq. Bunadək 18 klubumuz Avropada çıxış edib.

Azərbaycan çempionatlarının bütün mükafatçıları

mövsüm	çempion	II yer	III yer
1992	“Neftçi” (Bakı)	“Xəzər” (Sumqayıt)	“Turan” (Tovuz)
1993	“Qarabağ” (Ağdam)	“Xəzər” (Sumqayıt)	“Turan” (Tovuz)
1993/94	“Turan” (Tovuz)	“Qarabağ” (Ağdam)	“Kəpəz” (Gəncə)
1994/95	“Kəpəz” (Gəncə)	“Turan” (Tovuz)	“Neftçi” (Bakı)
1995/96	“Neftçi” (Bakı)	“Xəzri” (Bakı)	“Kəpəz” (Gəncə)
1996/97	“Neftçi” (Bakı)	“Qarabağ” (Ağdam)	“Xəzri” (Bakı)
1997/98	“Kəpəz” (Gəncə)	“Dinamo” (Bakı)	“Şəmkir”
1998/99	“Kəpəz” (Gəncə)	“Şəmkir”	“Neftçi” (Bakı)
1999/2000	“Şəmkir”	“Kəpəz” (Gəncə)	“Neftçi” (Bakı)
2000/01	“Şəmkir”	“Neftçi” (Bakı)	“Viləş” (Masallı)
2001/02	Yarımçıq qalıb
2002/03	Keçirilməyib
2003/04	“Neftçi” (Bakı)	“Şəmkir”	“Qarabağ” (Ağdam)
2004/05	“Neftçi” (Bakı)	“Xəzər Lənkəran”	“Karvan” (Yevlax)
2005/06	“Bakı”	“Karvan” (Yevlax)	“Neftçi” (Bakı)
2006/07	“Xəzər Lənkəran”	“Neftçi” (Bakı)	“Bakı”
2007/08	“İnter” (Bakı)	“Olimpik” (Bakı)	“Neftçi” (Bakı)
2008/09	“Bakı”	“İnter” (Bakı)	“Simurq” (Zaqatala)
2009/10	“İnter” (Bakı)	“Bakı”	“Qarabağ” (Ağdam)
2010/11	“Neftçi” (Bakı)	“Xəzər Lənkəran”	“Qarabağ” (Ağdam)
2011/12	“Neftçi” (Bakı)	“Xəzər Lənkəran”	“İnter” (Bakı)
2012/13	“Neftçi” (Bakı)	“Qarabağ” (Ağdam)	“İnter” (Bakı)
2013/14	“Qarabağ” (Ağdam)	“İnter” (Bakı)	“Qəbələ”
2014/15	“Qarabağ” (Ağdam)	“İnter” (Bakı)	“Qəbələ”
2015/16	“Qarabağ” (Ağdam)	“Zirə” (Bakı)	“Qəbələ”
2016/17	“Qarabağ” (Ağdam)	“Qəbələ”	“İnter” (Bakı)
2017/18	“Qarabağ” (Ağdam)	“Qəbələ”	“Neftçi” (Bakı)
2018/19	“Qarabağ” (Ağdam)	“Neftçi” (Bakı)	“Səbail” (Bakı)

"Qarabağ" 7-ci dəfə Azərbaycan çempionu oldu

DİGƏR XƏBƏRLƏR