Venesuela Prezidenti Nikolas Maduro dövlət çevrilişinə cəhdlə əlaqəsi olanların cəzasız qalmayacağını deyib.
Yeniavaz.com xarici KİV-ə istinadən bildirir ki, N. Maduro hazırlanan çevrilişin müvəffəqiyyətsizliklə nəticələnəcəyini və müxalifət başçısının ordunu öz tərəfinə çəkə bilməyəcəyini deyib.
Televiziya vasitəsilə xalqa müraciət edən N.Maduro çevriliş cəhdinin arxasında dayanan hər bir şəxsin ədalətə təslim ediləcəyini vurğulayıb.
Qeyd edək ki, dünən 100-dən çox adamın yaralandığı Venesuelada müxalifət başçısı Xuan Quaido xalqı bu gün də küçələrə çıxmağa və dəstək olmağa çağırıb.
O, ABŞ, Böyük Britaniya və Latın Amerikası ölkələri də daxil olmaqla 50-dən çox ölkə tərəfindən Venesuelanın müvəqqəti başçısı olaraq tanınır.
Tətbiqimizi yükləyə bilərsiniz
