Son bir ildə Azərbaycanın ən böyük siyasi təşkilatı hesab edilən və 26 ildir iqtidarda olan hakim Yeni Azərbaycan Partiyasının (YAP) Siyasi Şurasında təmsil olunan şəxslər arasında işsizlərin sayı artıb.
Yeniavaz.com YAP-ın rəsmi veb-saytında yer alan məlumatlara istinadən bildirir ki, ötən ilin əvvəlində partiyanın Siyasi Şurasında yer alan 7 nəfər işsiz olduğu halda, hazırda işsizlərin sayı 10-a yüksəlib.
Onu da bildirək ki, YAP Siyasi Şurasının işsiz üzvlərdən biri olan Şəmkir şəhər İcra Hakimiyyətinin sabiq başçısı və Kənd Təsərrüfatı nazirinin keçmiş müavini Aslan Aslanov 2018-ci ilin avqust ayında vəfat edib.
Hazırda 85 nəfərdən ibarət olan Siyasi Şura üzvlərindən 8 nəfər müvəqqəti işsiz, 1 nəfər isə Prezident təqaüdçüsü, 1 nəfər isə akademik kimi göstərilib.
YAP Siyasi Şurasının işsiz olan üzvləri bunlardır:
1. Abel Məhərrəmov - Bakı Dövlət universitetinin sabiq rektoru.
2. İsmət Abasov - sabiq Kənd Təsərrüfatı naziri.
3. Vaqif Abdullayev - sabiq millət vəkili, Xızı və Beyləqan rayonlarının keçmiş başçısı.
4. Hüseynqulu Bağırov - sabiq Ekologiya və Təbii Sərvətlər naziri
5. Fatma Abdullazadə - Azərbaycan Respublikası Prezidenti Administrasiyasının Humanitar siyasət məsələləri şöbəsinin sabiq müdiri.
6. Elnur Aslanov - Prezidentinin Administrasiyasının Siyasi təhlil və İnformasiya Təminatı şöbəsinin sabiq müdiri, Rabitə və Yüksək Texnologiyalar Nazirliyinin Elektron İdarəçiliyin İnkişafı şöbəsinin keçmiş müdiri.
7. Vaqif Hüseynov - Saatlı rayonu İcra hakimiyyətinin sabiq başçısı.
8. Musa Musayev - Keçmiş millət vəkili, Naftalan Şəhər İcra Hakimiyyətinin sabiq başçısı.
9. Rizvan Vahabov - Dövlət Yanacaq Komitəsinin keçmiş sədri, Neft Şirkətinin Neft Kəmərləri İdarəsinin sabiq rəisi.
10. Xeyrəddin Qoca(yev) - keçmiş millət vəkili və Türkiyənin İstanbul şəhərində Azərbaycanın sabiq baş konsulu olub.
Tətbiqimizi yükləyə bilərsiniz
