![](https://cdn.yeniavaz.com/uploadedfiles/custom/2019/3/19/1/b9c9f225-4810-42a2-b744-ea867cb1c05d/casinda-ardern-yeni-zelandiya.jpg)
Yeni Zelandiyanın baş naziri Casinda Ardern məsciddə terror aktı törədən terrorçunun adını bir də heç vaxt çəkməyəcəyini bildirib.
Yeniavaz.com BBC-ə istinadla xəbər verir ki, baş nazir bu gün parlamentdə keçirilən xüsusi iclasda iştirak edib və sözlərinə “Əssalamun əleykum” kəliməsi ilə başlayıb. O müsəlman xadimlərin də iştirak etdiyi iclasda bildirib ki, bu söz “hamı üçün sülh” mənasına gəlir.
Casinda Ardern bildirib ki, heç vaxt o terrorçunun adını çəkməyəcək: “O terrorçudur, cinayətkardır və irqçidir. Mən heç vaxt onun adını çəkməyəcəyəm”.
Baş nazir həmçinin bütün yeni zelandiyalıları cümə günü müsəlmanların kədərinə şərik olmağa dəvət edib.