Venesuelanın praktiki olaraq bütün ərazisində elektrik enerjisinin kəsilməsi kiberhücumların nəticəsində baş verib.
Yeniavaz.com TASS agentliyinə istinadla xəbər verir ki, bunu Venesuelanın rabitə və mədəniyyət məsələləri üzrə vitse-prezidenti, rabitə və informasiya naziri Xorxe Rodriges deyib.
Onun sözlərinə görə, “Quri” su elektrik stansiyasının (SES) avtomatik nəzarət sisteminə yönəldilmiş kiberhücum təşkil edilib: “Hücuma cavab olaraq SES-in işi dayandırılıb ki, bu da elektrik enerjisi təchizatının dayandırılmasına gətirib çıxarıb”.
X.Rodriges Venesuelanın enerji sisteminə hücumun ABŞ-dan həyata keçiriləc biləcəyini ehtimal edib: “Bununla əlaqədar Venesuela BMT-nin insan haqları üzrə ali komissarı Mişel Baçletə şikayət verəcək”.
Xatırladaq ki, ötən cümə axşamı Karakas və Venesuelanın əksər ştatı elektrik enerjisiz qalıb.