Yola saldığımız 2018-ci ildə Bakı şəhərində işçilərin orta aylıq nominal əməkhaqqının əvvəlki illə müqayisədə 0,3% və ya 2 manat 30 qəpik artaraq 788 manat 10 qəpik olub.
Yeniavaz.com Bakı şəhər Statistika İdarəsindən açıqlanan məlumatlara istinadən bildirir ki, ən yüksək orta aylıq əmək haqqı sənaye, maliyyə və sığorta fəaliyyəti, peşə, elmi və texniki fəaliyyət, informasiya və rabitə, tikinti fəaliyyəti göstərən müəssisə və təşkilatlarda çalışan işçilərdə, ən aşağı əmək haqqı isə səhiyyə və sosial xidmətlər, kənd təsərrüfatı, daşınmaz əmlakla əlaqədar əməliyyatlar, təhsil, istirahət, əyləncə və incəsənət sahələrində fəaliyyət göstərən müəssisə və təşkilatlarda çalışan işçilərdə olub.
Məlumat üçün onu da bildirək ki, 2017-ci ildə Bakı şəhərində orta aylıq nominal əməkhaqqı 2016-cı ilə nisbətən daha çox - 6,1% artıb.
Bakı şəhərinin rayonlarında orta aylıq nominal əməkhaqqı bu cür olub:
| |
2018-ci ilin yanvar-dekabr aylarında muzdlu işçilərin sayı (nəfər) |
2018-ci ilin yanvar-dekabr aylarında orta aylıq nominal əməkhaqqı (manat) |
| Bakı şəhəri - cəmi | 718 882 | 788,1 |
| o cümlədən rayonlar: | ||
| Binəqədi | 47 092 | 453,9 |
| Xətai | 62 460 | 779,8 |
| Xəzər | 30 211 | 725,4 |
| Qaradağ | 25 000 | 1 041,7 |
| Nərimanov | 70 470 | 525,2 |
| Nəsimi | 164 244 | 656,6 |
| Nizami | 45 282 | 651,5 |
| Pirallahı | 8 118 | 1 476,8 |
| Sabunçu | 27 646 | 507,6 |
| Səbail | 113 971 | 1 423,0 |
| Suraxanı | 18 821 | 577,4 |
| Yasamal | 105 567 | 698,8 |
Tətbiqimizi yükləyə bilərsiniz
