“Səkkiz minə yaxın tələbəmiz var və biz onların universitetdən kənar fəaliyyətinə nəzarət edə bilmərik”.
Yeniavaz.com xəbər verir ki, bu sözləri qafqazinfo-ya Memarlıq və İnşaat Universitetinin mətbuat xidmətinin rəhbəri Nəcibə Mirzəyeva dünən baş verən davayla bağlı açıqlamasında deyib. O bildirib ki, ilkin məlumata görə, dava gecə saat 2 radələrində olub:
“Universitet tələbələrimizin adlarının bu kimi hadisələrdə hallanmasına çox təəssüflənirik. Davada iştirak edən 9 nəfərin adı çəkilir, onlardan yalnız 4-ü bizim universitetdə oxuyur. Qalanlarının Sumqayıt rayon sakini olduğu bildirilib. Valideynlərlə əlaqə saxlamışıq, onlar da davanın səbəbini bilmir.
Hazırda 3 tələbəmiz: Nəqliyyat fakültəsi, 3-cü kurs tələbəsi Möhübbət Vəlizadə, Tikinti-iqtisad fakültəsi, 2-ci kurs tələbələri Abbas Zeynalov və Zili Əliyev xəstəxanadadır, vəziyyətləri normaldır.
Rəhbərliyin tapşırığı əsasında dekan və müavini xəstyəxanadadır.
Hazırda davanın səbəbi araşdırılır.