Rusiyada keçirilmiş futbol üzrə dünya çempionatına gedən turistər ilkin hesablamalara görə təqribən 100 milyard rubl xərcləyiblər. Yeniavaz.com-un “İnterfaks” agentliyinə istinadən verdiyi məlumata görə, bunu “Rusiya 2018” təşkilat komitəsinin sədri Aleksey Sorokin deyib. Onun sözlərinə görə, şəhərlər üzrə ilkin hesablamalar mövcuddur: “Təkcə Moskvaya onlar 1,7 milyard rubl qazandırıblar. Hazlrda rəqəmlər hazırlanır, ümumi məbləğ təxminən 100 milyard rubl təşkil edir”. Xatırladaq ki, daha əvvəl Moskva meri Sergey Sobyanin bildirmişdi ki, paytaxt futbol üzrə dünya çempionatının keçirilməsindən təqribən 13 milyard rubl qazanıb. Moskva merinin müavini Natalya Serqunina deyib ki, turistlər dünya çempionatı ərzində Moskvada 96,6 milyard rub xərcləyiblər. Meriyadan qeyd ediblər ki, 2017-ci ildə Moskvada turistlərin xərcləri 715 milyard rubl olub.
Tətbiqimizi yükləyə bilərsiniz
