Pablo Pikassonun həyatının son iyirmi ilində - 1960-cı və 1970-ci illərdə çəkdiyi dörd rəsm əsəri noyabr ayında Nyu-Yorkdakı “Sotheby's” hərrac evində satışa çıxarılacaq.
Yeniavaz.com xəbər verir ki, bu barədə hərrac evinin mətbuat xidməti məlumat yayıb.
Məlumata görə, ən bahalı lot 15-20 milyon dollar dəyərində qiymətləndirilir. Onu satışdan əvvəlki qiyməti 10-15 milyon dollar qiymətləndirilən başqa bir əsər izləyir. Qalan iki əsər isə hər biri 2,5-3,5 milyon dollar qiymətləndirilir.
Hərrac evinin qeyd etdiyi kimi, kolleksiyaçıların xüsusi marağı əsərlərdən ikisinin 50 ildən çoxdur ki, ictimaiyyətə nümayiş etdirilməməsi və onilliklər ərzində şəxsi kolleksiyalarda saxlanması ilə bağlıdır.
Tətbiqimizi yükləyə bilərsiniz
