Beynəlxalq Şahmat Federasiyası (FIDE) oktyabr ayı üzrə yeni reytinq siyahısı açıqlanıb.
Yeniavaz.com xəbər verir ki, reytinqdə Azərbaycan şahmatçılarından ən yüksək nəticəni Şəhriyar Məmmədyarov göstərib. O, 2710 xalla dünya sıralamasında 29-cu yerdə qərarlaşıb.
Teymur Rəcəbov 2689 xalla 38-ci, Aydın Süleymanlı isə 2679 xalla 41-ci pillədədir.
Azərbaycanın digər təmsilçilərindən Məhəmməd Muradlı 2662 xalla 53-cü, Rauf Məmmədov isə 2632 xalla 89-cu sırada yer alıb.
Dünya reytinqinin ilk pilləsində 2823 xalla norveçli Maqnus Karlsen qərarlaşıb.
Qadın şahmatçıların reytinqində isə Azərbaycan təmsilçilərindən Ülviyyə Fətəliyeva 2395 xalla 55-ci, Gövhər Beydullayeva 2392 xalla 57-ci yerdədir.
Xanım Balacayeva 2357 xalla 83-cü, Günay Məmmədzadə isə 2348 xalla 93-cü pillədə qərarlaşıb.
Qadınların dünya reytinqinə 2596 xalla çinli Yifan Hou başçılıq edir.
Tətbiqimizi yükləyə bilərsiniz
