“Formula 1” Azərbaycan Qran-Prisinin qalibi mükafatlandırıldı

Bakıda keçirilən “Formula 1” Azərbaycan Qran-Prisinin qalibi mükafatlandırılıb.
Yeniavaz.com xəbər verir ki, əsas yarışdan sonra ilk üç pillədə qərarlaşan sürücülərə mükafatlar təqdim edilib.
Fəxri kürsünün ilk pilləsində “Mercedes”in britaniyalı pilotu Corc Rassell yer alıb.
“Red Bull”dan niderlandlı Maks Ferstappen ikinci, onun komanda yoldaşı İsak Hacar üçüncü olub.
Onlara mükafatları Azərbaycan Avtomobil Federasiyasının prezidenti Anar Ələkbərov, gənclər və idman naziri Fərid Qayıbov, Beynəlxalq Avtomobil Federasiyasının prezidenti Məhəmməd Ben Sulayem təqdim ediblər.