Çin əhalisi 10 ilə 60 milyon azalacaq − SCMP

Çin əhalisinin azalmasının miqyası növbəti 10 ildə təxminən 60 milyona çata bilər.
Yeniavaz.com xəbər verir ki, bu barədə “South China Morning Post” (SCMP) qəzeti “Rhodium Group” tədqiqat qrupunun hesabatına istinadən məlumat yayıb. 
Bildirilib ki, əsas səbəblərdən biri doğum nisbətinin kəskin azalmasıdır - 2025-ci ildə 7,92 milyon uşaq, bu da 2024-cü illə müqayisədə 17% azdır. Bundan əlavə, Çin əhalisi ardıcıl dördüncü ildir ki, azalır. Digər vacib amillərə yaşayış xərclərinin artması və ictimai əhval-ruhiyyənin dəyişməsi daxildir.
Tədqiqatda qeyd olunur ki, Çinin demoqrafik azalması artıq onun iqtisadiyyatına təsir göstərməyə başlayır. Məsələn, 2025-ci ildə sosial təminat fondlarına büdcə subsidiyaları rekord həddə - 2,5 trilyon yuana (425 milyard dollar) çatıb ki, bu da ölkənin ümumi büdcə xərclərinin 10,1%-nə bərabərdir. Mövcud demoqrafik tendensiyalar davam edərsə, bu məbləğ artmağa davam edəcək.