“Hər şeyi dövlətə saxlayıram, uşaqlara bir qəpik də qoymuram” − Tatlısəs

Məşhur türk müğənnisi İbrahim Tatlıses xəstəxanadan çıxdıqdan sonra mirası ilə bağlı açıqlama verib.
Yeniavaz.com Türkiyə KİV-ə istinadən xəbər verir ki, bu yaxınlarda əməliyyat və müalicə alan sənətçi jurnalistlərin vəsiyyəti ilə bağlı suallarını cavablandırıb.
O, bütün əmlakını dövlətə vəsiyyət etmək niyyətində olduğunu bildirib:
“Hər şeyi dövlətə vəsiyyət etmişəm. Uşaqlarıma bir qəpik də saxlamayacağam. Hər şeyi özüm qazanmışam və istədiyim kimi istifadə edə bilərəm”.
Müğənni həmçinin əlavə edib ki, müəyyən ailə münaqişələri onun qərarına təsir edib və o, uşaqlarına miras qoymağı zəruri hesab etmir.
Sənətçinin açıqlaması geniş ictimai müzakirələrə səbəb olub.