“Nüvə silahlanma yarışı ən pis kabusumdur” − Qrossi

Nüvə silahlı dövlətlərin sayının artması dünyanı yaşamaq üçün daha təhlükəli bir yerə çevirəcək.
Yeniavaz.com xəbər verir ki, bu barədə Beynəlxalq Atom Enerjisi Agentliyinin (MAQATE) baş direktoru Rafael Qrossi Britaniyanın “The Daily Telegraph” qəzetinə verdiyi müsahibədə bildirib.
“Bütün bunlar məni narahat edir, çünki 20 və ya daha çox nüvə gücünə malik ölkələrin olduğu dünyanın son dərəcə təhlükəli olacağına inanıram”, - o bildirib.
Qrossi mümkün nüvə silahlanma yarışını özünün “ən pis kabusu” kimi təsvir edib:
“Bir anda sistemdə çat görəcəyik. Və sonra zəncirvari reaksiya başlayacaq. Bu, çox kövrək bir vəziyyətdir”.