İranda casusluq şübhəsi ilə dörd dövlət məmuru həbs edildi

İranın şimalındakı Babolsar şəhərində dörd dövlət məmuru həbs edilib.
Yeniavaz.com xəbər verir ki, bu barədə “Tasnim” agentliyi məlumat yayıb.
Agentliyin məlumatına görə, saxlanılanlar İsrail və ABŞ-yə casusluq etməkdə ittiham olunurlar.
Dövlət rəsmilərinin hansı hərəkətlərdə ittiham olunduqları dəqiqləşdirilməyib.
Digər tərəfdən, İslam İnqilabı Keşikçiləri Korpusunun (SEPAH) kəşfiyyat xidmətinin məlumatına görə, İranın Markazi əyalətində İsraillə əlaqəsi olan 65 nəfər həbs edilib.
Məlumata görə, onlar İsrailə məlumat ötürmək niyyətində olublar, həmçinin, təxribatçı fəaliyyətlər planlaşdırıblar.
Qeyd edək ki, martın 15-də İranın polis rəisi general Rza Radan hüquq-mühafizə orqanlarının 28 fevraldan bəri “düşmənlə əməkdaşlıq etməkdə” şübhəli bilinən ən azı 500 nəfəri saxladığını bildirmişdi.