De Zerbi “Tottenhem”in baş məşqçisi oldu – Rəsmi

İtaliyalı mütəxəssi Roberto De Zerbi İngiltərənin “Tottenhem” klubunun baş məşqçisi təyin edilib.
Yeniavaz.com xəbər verir ki, bu barədə komandanın mətbuat xidməti məlumat yayıb.
London klubunun baş məşqçi ilə uzunmüddətli müqavilə imzaladığı bildirilir.
“The Athletic” qəzetinin məlumatına görə, De Zerbi 2031-ci ilə qədər müqavilə imzalayıb və İngiltərə Premyer Liqasında ən çox maaş alan məşqçilərdən biri olacaq.
O bu postda xorvatiyalı mütəxəssis İqor Tudoru əvəz edib.
Qeyd edək ki, “Tottenhem” İngiltərə Premyer Liqasının turnir cədvəlində 17-ci yerdədir. Klubu Premyer Liqanın düşmə zonasından bir xal ayırır.
“The Athletic” qəzetinin məlumatına görə, De Zebri klubun yüksək liqadakı yerini qoruyacağı təqdirdə “yaxşı bonus” alacaq.
Xatırladaq ki, De Zerbinin 46 yaşı var. O, 2024-cü ilin iyunundan 2026-cı ilin fevralına qədər “Marsel”ə rəhbərlik edib. İlk mövsümündə komanda Fransa çempionatında ikinci yeri tutub. Bundan əvvəl məşqçi bir neçə İtaliya klubunda, həmçinin Ukraynanın “Şaxtyor” və İngiltərənin “Brayton” klublarında baş məşqçi olub.