“Barselona”nın prezidenti Joan Laporta baş məşqçi Hans Diter Flikin müqaviləsinin vaxtından əvvəl uzadılmasının mümkünlüyünü açıqlayıb.
Yeniavaz.com xəbər verir ki, bu barədə “Goal” nəşri məlumat yayıb.
Bildirilib ki, Flik 2028-ci ilə qədər müddətə müqavilə imzalamağa yaxındır; onun hazırkı müqaviləsi 2027-ci ildə başa çatır.
Laporta Flikin daha beş il “Barselona”da qalmasını da istisna etməyib.
“Fliklə yaxşı münasibət çox vacibdir. Düşünürəm ki, o, daha beş il “Barselona”da qala bilər”, - Laporta əlavə edib.
Qeyd edək ki, Hans Diter Flik 2024-cü ilin yayında “Barselona”nı idarə etməyə başlayıb və ilk mövsümündə komanda ilə liqa və kubokda “qızıl dubl” edib. Bundan əvvəl o, 2021-ci ildən 2023-cü ilə qədər “Bavariya” klubuna və Almaniya millisinə rəhbərlik edib.
Tətbiqimizi yükləyə bilərsiniz
