Luvr Muzeyinin direktoru istefa verdi

Luvr Muzeyinin direktoru Lorans de Kar Fransa Prezidenti Emmanuel Makrona istefa ərizəsi təqdim edib.
Yeniavaz.com xəbər verir ki, bu barədə “Agence France-Presse” (AFP) agentliyi Yelisey Sarayına istinadla məlumat yayıb.
Agentliyin məlumatına görə, Fransa Prezidenti istefanı qəbul edib.
De Kar Luvr Muzeyinin direktoru vəzifəsini tutan ilk qadın olub. O, bu vəzifəyə 2021-ci ildə təyin edilib.  
Agentlik onun yerinə kimin gələcəyini dəqiqləşdirməyib.
De Karın istefası Luvr Muzeyindəki yüksək səviyyəli soyğundan sonra baş verib: 19 oktyabrda oğrular cəmi dörd dəqiqə ərzində 8482 brilyant, 35 zümrüd, 34 sapfir və 212 mirvari oğurlayıblar. Oğurlanmış əşyaların dəyəri 88 milyon avro qiymətləndirilib.
Muzey direktoru dərhal istefa ərizəsini mədəniyyət naziri Raşida Datiyə təqdim edib, lakin o, bunu rədd edib.
Hadisə ilə bağlı dörd şübhəli həbs edilib. Oğurlanmış zinət əşyaları hələ də tapılmayıb.
Muzey həmçinin, son vaxtlar bəzi zalların su altında qalması və daha yaxşı iş şəraiti tələb edən işçilərin tətilləri ilə yadda qalıb.