ABŞ Prezidenti Donald Tramp Ukraynadakı münaqişəyə ABŞ-nin müstəqilliyinin 250 illiyinə, yəni 4 iyul tarixinə qədər son qoymaq istəyir.
Yeniavaz.com xəbər verir ki, bu barədə “Bloomberg” agentliyi mənbələrə istinadla məlumat yayıb.
“Müttəfiqlər qeyd edirlər ki, Tramp 4 iyuldan - ABŞ-nin müstəqilliyinin 250 illiyinə həsr olunmuş tədbirlərdən əvvəl razılaşma əldə etmək istəyir”, - deyə mənbələrdən biri bildirib.
Lakin Avropa və NATO-nun yüksək vəzifəli rəsmilərinin fikrincə, Rusiya Prezidenti Vladimir Putinin onun əsas tələblərinə cavab verməyən bir razılığa gəlməyə hazır olduğuna dair heç bir əlamət yoxdur.
Agentliyin mənbələri iddia edir ki, danışıqlar artıq müəyyən edilmiş son tarixləri bir neçə dəfə aşıb və hətta bəzi Amerika rəsmiləri xüsusi olaraq etiraf edirlər ki, Putinin mövqelərindən imtina etmək istəyi ilə bağlı heç bir əlamət görünmür.
“Moskva və Vaşinqton faktiki olaraq danışıqlarda kimin birinci güzəştə gedəcəyi uğrunda yarışırlar”, - mənbələrdən biri bildirib.
Tətbiqimizi yükləyə bilərsiniz
