SEPAH iğtişaşların 100 təşkilatçısını saxladı − KİV

İslam İnqilabı Keşikçiləri Korpusunun (SEPAH) kəşfiyyat zabitləri İranın şimalında baş verən son iğtişaşların 100 təşkilatçısını saxlayıblar.
Yeniavaz.com xəbər verir ki, bu barədə “Tasnim” xəbər agentliyi məlumat yayıb.
“Genişmiqyaslı araşdırma nəticəsində SEPAH-ın kəşfiyyat agentliyi Ərdəbildə yanvar ayında baş verən silahlı iğtişaşların 100 liderini müəyyən edib və saxlayıb”, - nəşr bildirib.
Xatırladaq ki, İranda etirazlar 2025-ci ilin dekabr ayının sonlarında milli valyutanın devalvasiyası səbəbindən başlayıb, lakin sonradan iğtişaşlara və hökumətə qarşı etirazlara çevrilib və İranın devrilmiş şahının oğlu Rza Pəhləvinin çağırışlarından sonra pik həddə çatıb. Ölkədə internet bağlanıb və həm təhlükəsizlik qüvvələri, həm də etirazçılar arasında itkilər qeydə alınıb. ABŞ və İsraili iğtişaşları təşkil etməkdə günahlandıran İran hakimiyyəti 12 yanvarda vəziyyətin nəzarət altına alındığını elan edib.