“Türkiyə vasitəçi olmağa hazırdır” – Ərdoğan Pezeşkianla danışdı

Türkiyə Prezidenti Rəcəb Tayyib Ərdoğan və İran Prezidenti Məsud Pezeşkian arasında telefon danışığı olub.
Yeniavaz.com “TRT Haber”ə istinadla xəbər verir ki, Ərdoğan Pezeşkianla Türkiyə və İran arasındakı ikitərəfli münasibətləri, həmçinin, regioanda artan hərbi gərginliyi müzakirə edib.
Ərdoğan qeyd edib ki, Türkiyə gərginliyi azaltmaq və problemləri həll etmək üçün İranla ABŞ arasındakı münasibətlərdə vasitəçi rolunu oynamağa hazırdır.
Ərdoğan həmçinin Pezeşkiana 30 yanvarda Ankaraya səfər edən İranın xarici işlər naziri Abbas Əraqçini qəbul etməyi planlaşdırdığını bildirib.
Qeyd edək ki, İran xarici işlər naziri Abbas Əraqçi bu gün İstanbula səfər edib. İranlı nazir Türkiyə XİN rəhbəri Hakan Fidanla görüşəcək. Daha sonra Əraqçini Türkiyə Prezidenti Rəcəb Tayyib Ərdoğan qəbul edəcək.