Həftəsonu ABŞ-də şiddətli qar fırtınaları səbəbindən 8000-dən çox uçuş ləğv edilib.
Yeniavaz.com xəbər verir ki, bu barədə “Associated Press” məlumat yayıb.
Bildirilib ki, təxminən 140 milyon insan Nyu-Meksikodan Yeni İngiltərəyə qədər qar fırtınası xəbərdarlığı alıb. Ölkənin Milli Hava Xidməti geniş yayılmış güclü qarı və Şərqi Texasdan Şimali Karolinaya qədər uzanan fəlakətli buz örtüyü barədə xəbərdarlıq edib. Sinoptiklər, xüsusən də buzla örtülü ərazilərdəki ziyanın qasırğa ilə müqayisə edilə biləcəyini deyiblər.
Hava xidməti proqnozlaşdırır ki, cənubu bürüdükdən sonra fırtına şimal-şərqə doğru hərəkət edəcək və Vaşinqtondan Nyu-Yorka və Bostona təxminən 30 sm qar yağacaq.
Ondan çox ştatın qubernatorları yaxınlaşan fırtına ilə bağlı həyəcan təbili çalıb, fövqəladə vəziyyət elan edib və insanları evdə qalmağa çağırıb.
Tətbiqimizi yükləyə bilərsiniz
