Azərbaycanın FIFA referisi Hikmət Qafarlı Avropa çempionatının final mərhələsi çərçivəsində növbəti təyinatını alıb.
Yeniavaz.com xəbər verir ki, bu barədə Azərbaycan Futzal Federasiyasının mətbuat xidməti məlumat yayıb.
Məlumata görə, həmyerlimiz B qrupunda keçiriləcək Ukrayna – Litva oyununun birinci hakimi olacaq. Ona İngiltərədən Peter Nurs və İtaliyadan Kyara Perona kömək edəcəklər.
Oyun yanvarın 25-də, saat 19:00-da Litvanın Kaunas şəhərindəki “Jalgiris Arena”da baş tutacaq.
Qeyd edək ki, Hikmət Qafarlının ilk təyinatı yanvarın 22-də Ermənistan – Ukrayna görüşünə olmuşdu. Həmin matçda timekeeper funksiyasını yerinə yetirən referi bu dəfə final mərhələsində ilk dəfə əsas hakim kimi debüt edəcək.
Tətbiqimizi yükləyə bilərsiniz
