Ötən ilin yekununa olan məlumata görə, Azərbaycanda fəaliyyət göstərən 22 bankda fiziki şəxslərə məxsus əmanətlərin ümumi məbləği 15 milyard 487,7 milyon manat olub.
Yeniavaz.com xəbər verir ki, fiziki şəxslər tərəfindən ən çox əmanət yerləşdirilən bank “Azərbaycan Beynəlxalq Bankı” (ABB) olub.
Fiziki şəxslərin ABB-yə yerləşdirdikləri əmanətlərin ümumi məbləği 3 milyard 404,3 milyon manat təşkil edib. İkinci sırada 3 milyard 136,8 milyon manat ilə “Kapital Bank” qərarlaşıb.
Ən az əmanət yerləşdirilən bank isə “Bank Avrasiya” olub. Bu banka fiziki şəxslər tərəfindən 61,3 milyon manat əmanət yerləşdirilib.
Son bir ildə – 2025-ci ildə fiziki şəxslərin əmanətləri ən çox ABB-də artıb. Dövlət bankı olan ABB-də yerləşdirilən əmanətlərin məbləği son bir il ərzində 657,9 milyon manat artıb. Ən böyük azalma isə “Xalq Bank”da yerləşdirilən əmanətlərdə qeydə alınıb. Fiziki şəxslərin “Xalq Bank”dakı əmanətləri 2025-ci ildə 113,4 milyon manat azalaraq 834,9 milyon manata düşüb.
Cədvəldə son 2 ildə fiziki şəxslərin banklardakı əmanətləri əks olunub:
Elnur Əli
Tətbiqimizi yükləyə bilərsiniz
